SOLEIÐIS VARÐ TEAM RYNKEBY TIL

Hugskotið at súkkla til París kom í 2001. Eitt av starvsfólkunum í Rynkeby Foods, Knud Vilstrup, hevði fingið staðfest roykjaralungu. Hann vildi tí fegin gera eitthvørt fyri at betra um heilsustøðu sína – og at gevast at roykja var ikki ein møguleiki!

Hann gjørdi sær tankar um, at hann skuldi koma í betri venjing og samstundis fáa eitt upplivilsi burturúr tí.

Henda tankan nevndi hann undir jólaborðhaldinum, Rynkeby helt seinni sama ár. Knud Vilstrup spurdi Torben Møller-Larsen, sum tá var tekniskur stjóri, um tað ikki kundi verið ein spennandi verkætlan at súkkla niður til París og har vitna endaspurtin av Tour de France á Champs-Élysées – og um hann kundi stuðla verkætlanini við djúsi til túrin. Hetta helt Torben Møller-Larsen vera eitt gott hugskot, um hann afturfyri kundi súkkla við til París.

Síðani ringdi Knud Vilstrup nakrar ferðir til Torben Møller-Larsen og spurdi um túrurin kundi gerast veruleiki. Aftaná fleiri royndir fekk hann endiliga jaligt aftursvar. Rynkeby lat djús til túrin umframt 50.000 DKK til at fáa gongd á verkætlanina og setti sum krav at minst 10 luttakarar skuldu vera á liðnum. Liðið varð samansett um várið í 2002 undir navninum ’Team Rynke’: 11 súkklarar og eitt einsamalt hjálparfólk í einum minibussi vóru til reiðar at súkkla tann gott 1200 km langa túrin frá Ringe til París sama ár.

Tankin var vorðin veruleiki.

Team Rynkeby varð ikki sett á stovn sum vælgerðarverkætlan, og tá súkklararnir vendu heim av fyrsta túrinum í 2002, høvdu teir 38.000 DKK í yvirskoti, og avgjørt varð at lata barnakrabbameinsdeildini á universitetssjúkrahúsinum í Odense hendan pening. Eftir ein væleydnaðan túr til París við mongum avbjóðingum yvirtalaði Knud Vilstrup fyrisitingarstjóran á Rynkeby Foods, Jørgen Dirksen, til at gera enn eina íløgu í verkætlanina. Hetta varð byrjanin til ta vælgerðarverkætlan, sum er til í dag, har talið av luttakarum og stuðlum javnt veksur fyri hvørt ár, og tað sama gera peningagávurnar til Børnecancerfonden.

LES MEIRA: ”Team Rynkeby – súkkling, samanhald og eitt gott endamál” (eksternt link).

TEAM RYNKEBY: PENGAGÁVUR 

Ver við í 2017

Søk um at koma við á Team Rynkeby, tá ið liðini verða sett til ferðina 2017.

Skriva umsókn

Tíðindi

Les seinastu tíðindi frá teim 38 Team Rynkeby liðunum og tak niður miðlamyndir í hægstu góðsku.

Les tíðindi

Filmur

Soleiðis var túrurin hjá Team Rynkeby til Paris seinast. Hygg eftir filminum.

Síggj filmin

Ver Sponsor

Tú kann gerast sponsor hjá Team Rynkeby, og verða við til at stuðla bardaganum móti krabba hjá børnum.

Síggj møguleikarnar